Subscribe to our newsletter and get our newest updates

Hakeem Aagha Jan Aish

  • Ghazal


dil buton se na lagana hargiz


dil butoñ se na lagānā hargiz
un ke phande meñ na aanā hargiz

dil tujhe apnī hai gar jaan aziiz
kū-e-qātil meñ na jaanā hargiz

maañg baiThā vo to dil dene meñ
nahīñ banñe kā bahānā hargiz

andalībān-e-chaman ko sayyād
fasl-e-gul meñ na satānā hargiz

shikva-e-yār zabāñ par apnī
dil ḳhabar-dār na laanā hargiz

hadaf-e-tīr nigāh-e-qātil
murġh-e-dil ko na banānā hargiz

is se vābasta haiñ dil lākhoñ ke
zulf meñ khīñcho na shānā hargiz

rahne detā nahīñ insān ko yaañ
ik vatīre pe zamānā hargiz

inqalāb is meñ hai dam dam ai dil
is kā afsos na khānā hargiz

gar ḳhudā de tujhe taufīq ai 'aish'
dil kisī kā na dukhānā hargiz

dil buton se na lagana hargiz
un ke phande mein na aana hargiz

dil tujhe apni hai gar jaan aziz
ku-e-qatil mein na jaana hargiz

mang baiTha wo to dil dene mein
nahin banne ka bahana hargiz

andaliban-e-chaman ko sayyaad
fasl-e-gul mein na satana hargiz

shikwa-e-yar zaban par apni
dil KHabar-dar na lana hargiz

hadaf-e-tir nigah-e-qatil
murgh-e-dil ko na banana hargiz

is se wabasta hain dil lakhon ke
zulf mein khincho na shana hargiz

rahne deta nahin insan ko yan
ek watire pe zamana hargiz

inqalab is mein hai dam dam ai dil
is ka afsos na khana hargiz

gar KHuda de tujhe taufiq ai 'aish'
dil kisi ka na dukhana hargiz


Leave a comment

+