Subscribe to our newsletter and get our newest updates

Haidar raza Koralvi

  • Ghazal


tumhaari nazren yun barq dil pe gira rahi hain


tumhārī nazreñ yuuñ barq dil pe girā rahī haiñ
ki soī soī sī dhaḌkanoñ ko jagā rahī haiñ

diyā mohabbat kā mere siine meñ jal rahā hai
ye chāhateñ dil se tīrgī ko miTā rahī haiñ

suno na aisī nashīlī nazroñ se mujh ko dekho
tumhārī nazreñ ye tiir ham pe chalā rahī haiñ

haqīqatan ab to apnī bāñhoñ ko do ijāzat
ki ye tasavvur meñ mujh ko siine lagā rahī haiñ

chalo chaleñ mil ke ham mohabbat ke giit gaa.eñ
suhāne mausam kī ye fazā.eñ bhī gā rahī haiñ

qarīb aao tumhāre hoñToñ ko chuum luuñ maiñ
ye dūriyāñ ab to be-qarārī baḌhā rahī haiñ

laboñ ko jumbish zarā sā kar do ki aaj 'haidar'
taḌap rahā hai ye us kī āñkheñ batā rahī haiñ

tumhaari nazren yun barq dil pe gira rahi hain
ki soi soi si dhaDkanon ko jaga rahi hain

diya mohabbat ka mere sine mein jal raha hai
ye chahaten dil se tirgi ko miTa rahi hain

suno na aisi nashili nazron se mujh ko dekho
tumhaari nazren ye tir hum pe chala rahi hain

haqiqatan ab to apni banhon ko do ijazat
ki ye tasawwur mein mujh ko sine laga rahi hain

chalo chalen mil ke hum mohabbat ke git gaen
suhane mausam ki ye fazaen bhi ga rahi hain

qarib aao tumhaare honTon ko chum lun main
ye duriyan ab to be-qarari baDha rahi hain

labon ko jumbish zara sa kar do ki aaj 'haidar'
taDap raha hai ye us ki aankhen bata rahi hain


Leave a comment

+