شریک ہوں اور تازہ ترین معلومات حاصل کریں

ذاکر خان ذاکر

  • غزل


جسم تازہ گلاب کی صورت


جسم تازہ گلاب کی صورت
زندگی اک نصاب کی صورت

نقش ہیں اب ورق ورق دل پر
چند یادیں کتاب کی صورت

وہ مرے پاس ہے نہیں بھی ہے
اک حقیقت سراب کی صورت

درد اس سے بیاں کروں کیسے
جیسے ماہی بے آب کی صورت

میکدے میں اگر نہیں کچھ تو
زہر دے دے شراب کی صورت

حسن جاناں کا حال کچھ یوں ہے
چاند ڈھلتے شباب کی صورت

گر وہ پوچھیں گے حال دل ذاکرؔ
کچھ نہیں ہے جواب کی صورت


Leave a comment

+