Warning: session_start(): open(/tmp/sess_og91482n3c9f6j8lrplr2oond0, O_RDWR) failed: No space left on device (28) in /razi/eraazi/darbari/chunmun/index.php on line 15
asr-e-jadeed aaya baDi dhum-dham se

Subscribe to our newsletter and get our newest updates

Haidar Ali Jafri

  • Ghazal


asr-e-jadeed aaya baDi dhum-dham se


asr-e-jadēd aayā baḌī dhūm-dhām se
lekin shikast khā gayā pichhle nizām se

kartā hai koī tark-e-ta.alluq bhī is tarah
mahrūm ho gayā huuñ payām-o-salām se

zardār ke salām meñ sabqat sabhī kī hai
mahrūm muflisī hai jawab-e-salām se

kis kī sadā fazāoñ meñ gūñjī hai chār-sū
kis ne mujhe pukārā hai bachpan ke naam se

bechainiyoñ meñ raat guzartī hai is tarah
aaseb koī gher le jaise ki shaam se

ab bā-shu.ūr log bhī ye sochne lage
rakhnā hai ham ko kaam faqat apne kaam se

saffākiyāñ baḌhīñ to darinda-sifat banā
insān girā hai ādamiyyat ke maqām se

bārish nahīñ huī to mujhe fā.eda huā
mahfūz hai makān mirā inhidām se

halkī hañsī ne fikr ko zau-bār kar diyā
phūTī kiran ki tarah lab-e-tashna-kām se

ye to hai fazl-e-rab ki tarannum huā nasīb
lekin bayāz ḳhālī hai ḳhud ke kalām se

asr-e-jadeed aaya baDi dhum-dham se
lekin shikast kha gaya pichhle nizam se

karta hai koi tark-e-talluq bhi is tarah
mahrum ho gaya hun payam-o-salam se

zardar ke salam mein sabqat sabhi ki hai
mahrum muflisi hai jawab-e-salam se

kis ki sada fazaon mein gunji hai chaar-su
kis ne mujhe pukara hai bachpan ke nam se

bechainiyon mein raat guzarti hai is tarah
aaseb koi gher le jaise ki sham se

ab ba-shuur log bhi ye sochne lage
rakhna hai hum ko kaam faqat apne kaam se

saffakiyan baDhin to darinda-sifat bana
insan gira hai aadamiyyat ke maqam se

barish nahin hui to mujhe faeda hua
mahfuz hai makan mera inhidam se

halki hansi ne fikr ko zau-bar kar diya
phuTi kiran ki tarah lab-e-tashna-kaam se

ye to hai fazl-e-rab ki tarannum hua nasib
lekin bayaz KHali hai KHud ke kalam se


Leave a comment

+