merī āvāz ko na qaid karo
azm-e-parvāz ko na qaid karo

hai ravish merī zaḳhm-e-dil likhnā
mere andāz ko na qaid karo

kisī anjām-e-bad ke ḳhadshe meñ
husn-e-āġhāz ko na qaid karo

tum nazar ko churā ke yuuñ mujh se
ik hasīñ raaz ko na qaid karo

hai muqayyad ye zaat rasmoñ meñ
dil-e-jāñ-bāz ko na qaid karo

meri aawaz ko na qaid karo
azm-e-parwaz ko na qaid karo

hai rawish meri zaKHm-e-dil likhna
mere andaz ko na qaid karo

kisi anjam-e-bad ke KHadshe mein
husn-e-aghaz ko na qaid karo

tum nazar ko chura ke yun mujh se
ek hasin raaz ko na qaid karo

hai muqayyad ye zat rasmon mein
dil-e-jaan-baz ko na qaid karo