sho.ala-e-dard ba-unvān-e-tajallā hī sahī
lutf-e-dīvāngī-o-zauq-e-tamāshā hī sahī

dil nahīñ lazzat-e-dīdār se sarshār agar
vahshat-e-jāñ hī sahī hasrat-e-jalva hī sahī

ye bhī kyā kam hai ki ummīd-e-karam meñ guzre
rasm-o-ā.īn-e-vafā dahr meñ anqā hī sahī

kuchh to hai jis se hai qindīl-e-ġhazal tābinda
fikr-e-imroz-o-pareshānī-e-fardā hī sahī

hijr meñ khulte haiñ asrār-e-mohabbat kyā kyā
ġham meñ ye mo.ajiza-e-husn-e-masīhā hī sahī

un ke dāman pe koī daaġh na aane paa.e
maiñ har ik rañg har ik haal meñ rusvā hī sahī

phir bhī hai vaj.h-e-qarār-e-dil-e-muztar 'hāfiz'
vo adū diin kā dushman mirī jaañ kā hī sahī

shoala-e-dard ba-unwan-e-tajalla hi sahi
lutf-e-diwangi-o-zauq-e-tamasha hi sahi

dil nahin lazzat-e-didar se sarshaar agar
wahshat-e-jaan hi sahi hasrat-e-jalwa hi sahi

ye bhi kya kam hai ki ummid-e-karam mein guzre
rasm-o-ain-e-wafa dahr mein anqa hi sahi

kuchh to hai jis se hai qindil-e-ghazal tabinda
fikr-e-imroz-o-pareshani-e-farda hi sahi

hijr mein khulte hain asrar-e-mohabbat kya kya
gham mein ye moajiza-e-husn-e-masiha hi sahi

un ke daman pe koi dagh na aane pae
main har ek rang har ek haal mein ruswa hi sahi

phir bhi hai wajh-e-qarar-e-dil-e-muztar 'hafiz'
wo adu din ka dushman meri jaan ka hi sahi

Source: Funoon(Jadeed Ghazal Number: Volume-002)