be-sahāroñ kā intizām karo
ya.anī ik aur qatl-e-ām karo
ḳhair-ḳhvāhoñ kā mashvara ye hai
Thokareñ khaao aur salām karo
dab ke rahnā hameñ nahīñ manzūr
zālimo! jaao apnā kaam karo
ḳhvāhisheñ jaane kis taraf le jaa.eñ
ḳhvāhishoñ ko na be-lagām karo
mezbānoñ meñ ho jahāñ an-ban
aisī bastī meñ mat qayām karo
ye hunar bhī baḌā zarūrī hai
kitnā jhuk kar kise salām karo
saañp aapas meñ kah rahe haiñ 'hafīz'
āstīnoñ kā intizām karo

be-sahaaron ka intizam karo
yani ek aur qatl-e-am karo
KHair-KHwahon ka mashwara ye hai
Thokaren khao aur salam karo
dab ke rahna hamein nahin manzur
zalimo! jao apna kaam karo
KHwahishen jaane kis taraf le jaen
KHwahishon ko na be-lagam karo
mezbanon mein ho jahan an-ban
aisi basti mein mat qayam karo
ye hunar bhi baDa zaruri hai
kitna jhuk kar kise salam karo
sanp aapas mein kah rahe hain 'hafiz'
aastinon ka intizam karo

Source: Book : Dastavez (Pg. 21) Author : Aziz Nabeel Publication : Edarah Dastavez (2010) Edition : 2010