شریک ہوں اور تازہ ترین معلومات حاصل کریں

افتخار عارف

  • غزل


یہ معجزہ بھی کسی کی دعا کا لگتا ہے


یہ معجزہ بھی کسی کی دعا کا لگتا ہے
یہ شہر اب بھی اسی بے وفا کا لگتا ہے

یہ تیرے میرے چراغوں کی ضد جہاں سے چلی
وہیں کہیں سے علاقہ ہوا کا لگتا ہے

دل ان کے ساتھ مگر تیغ اور شخص کے ساتھ
یہ سلسلہ بھی کچھ اہل ریا کا لگتا ہے

نئی گرہ نئے ناخن نئے مزاج کے قرض
مگر یہ پیچ بہت ابتدا کا لگتا ہے

کہاں میں اور کہاں فیضان نغمہ و آہنگ
کرشمہ سب در و بست نوا کا لگتا ہے

RECITATIONS افتخار عارف



00:00/00:00 یہ معجزہ بھی کسی کی دعا کا لگتا ہے افتخار عارف

Leave a comment

+