Subscribe to our newsletter and get our newest updates

Habib Jalib

  • Ghazal


sher hota hai ab mahinon mein


sher hotā hai ab mahīnoñ meñ
zindagī Dhal ga.ī mashīnoñ meñ

pyaar kī raushnī nahīñ miltī
un makānoñ meñ un makīnoñ meñ

dekh kar dostī kā haath baḌhāo
saañp hote haiñ āstīnoñ meñ

qahr kī aañkh se na dekh in ko
dil dhaḌakte haiñ ābgīnoñ meñ

āsmānoñ kī ḳhair ho yārab
ik nayā azm hai zamīnoñ meñ

vo mohabbat nahīñ rahī 'jālib'
ham-safīroñ meñ ham-nashīnoñ meñ

sher hota hai ab mahinon mein
zindagi Dhal gai mashinon mein

pyar ki raushni nahin milti
un makanon mein un makinon mein

dekh kar dosti ka hath baDhao
sanp hote hain aastinon mein

qahr ki aankh se na dekh in ko
dil dhaDakte hain aabginon mein

aasmanon ki KHair ho yarab
ek naya azm hai zaminon mein

wo mohabbat nahin rahi 'jalib'
ham-safiron mein ham-nashinon mein


Source: Funoon(Jadeed Ghazal Number: Volume-002)

Leave a comment

+