Subscribe to our newsletter and get our newest updates

Habib Jalib

  • Ghazal


yun wo zulmat se raha dast-o-gareban yaro


yuuñ vo zulmat se rahā dast-o-garebāñ yaaro
us se larzāñ the bahut shab ke nigahbāñ yaaro

us ne har-gām diyā hausla-e-tāza hameñ
vo na ik pal bhī rahā ham se gurezāñ yaaro

us ne maanī na kabhī tīrgī-e-shab se shikast
dil añdheroñ meñ rahā us kā farozāñ yaaro

us ko har haal meñ jiine kī adā aatī thī
vo na hālāt se hotā thā pareshāñ yaaro

us ne bātil se na tā-zīst kiyā samjhauta
dahr meñ us sā kahāñ sāhab-e-īmāñ yaaro

us ko thī kashmakash-e-dair-o-haram se nafrat
us sā hindū na koī us sā musalmāñ yaaro

us ne sulatānī-e-jamhūr ke naġhme likkhe
ruuh shāhoñ kī rahī us se pareshāñ yaaro

apne ash.ār kī sham.oñ se ujālā kar ke
kar gayā shab kā safar kitnā vo āsāñ yaaro

us ke gītoñ se zamāne ko sañvāreñ yaaro
rūh-e-'sāhir' ko agar karnā hai shādāñ yaaro

yun wo zulmat se raha dast-o-gareban yaro
us se larzan the bahut shab ke nigahban yaro

us ne har-gam diya hausla-e-taza hamein
wo na ek pal bhi raha hum se gurezan yaro

us ne mani na kabhi tirgi-e-shab se shikast
dil andheron mein raha us ka farozan yaro

us ko har haal mein jine ki ada aati thi
wo na haalat se hota tha pareshan yaro

us ne baatil se na ta-zist kiya samjhauta
dahr mein us sa kahan sahab-e-iman yaro

us ko thi kashmakash-e-dair-o-haram se nafrat
us sa hindu na koi us sa musalman yaro

us ne sulatani-e-jamhur ke naghme likkhe
ruh shahon ki rahi us se pareshan yaro

apne ashaar ki shamon se ujala kar ke
kar gaya shab ka safar kitna wo aasan yaro

us ke giton se zamane ko sanwaren yaro
ruh-e-'sahir' ko agar karna hai shadan yaro


Source: Book : Kulliyat-e-Habib Jalib (Pg. 326) Author : Habib Jalib Publication : Tahir Sons Publishers (2012) Edition : 2012

Leave a comment

+