Warning: session_start(): open(/tmp/sess_shvfkll7mundgdb54v1nc4ha34, O_RDWR) failed: No space left on device (28) in /razi/eraazi/darbari/chunmun/index.php on line 15
hai nau-jawani mein zoaf-e-piri badan mein rasha kamar mein KHam hai

Subscribe to our newsletter and get our newest updates

Habeeb Moosavi

  • Ghazal


hai nau-jawani mein zoaf-e-piri badan mein rasha kamar mein KHam hai


hai nau-javānī meñ zo.af-e-pīrī badan meñ ra.asha kamar meñ ḳham hai
zamīñ pe saaya hai apne qad kā ki jāda-e-manzil-e-adam hai

yahī hai rasm-e-jahān-e-fānī isī meñ kaTtī hai zindagānī
kabhī hai sāmān-e-aish-o-rāhat kabhī hujūm-e-ġham-o-alam hai

batāo kyuuñ chup ho muñh se bolo guhar-fishāñ ho dahan to kholo
aziiz rakhte ho jis ko dil se usī ke sar kī tumheñ qasam hai

haTāo ā.īne ko ḳhudārā laboñ pe aayā hai dam hamārā
banāv tum dekhte ho apnā yahāñ hai dhaḌkā ki raat kam hai

tumhāre kūche meñ jab se baiThe bhulā.e dil se sabhī tarīqe
ḳhudā hī shāhid jo jānte hoñ kahāñ kalīsā kahāñ haram hai

abas hai koshish husūl-e-zar meñ ḳhayāl-e-fāsid ko rakh na sar meñ
vahī milegā azal se jo kuchh har ek ke naam par raqam hai

farishte jannat ko le chale the pa tere kūche meñ ham jo pahuñche
machal ga.e un se kah ke chhoḌo hameñ yahī gulshan-e-iram hai

judā ho jab yaar apnā saaqī kahāñ kī sohbat sharāb kaisī
pilā.eñ gar ḳhizr āb-e-haivāñ ham us ko samjheñ yahī ki sam hai

jilā.e yā ham ko koī maare bahisht de yā saqar meñ Daale
rahegā us but kā naam lab par hamāre jab tak ki dam meñ dam hai

'habīb' tā-chand fikr-e-daulat kabhī to kar dil se shukr-e-ne.amat
karīm ko hai karam kī aadat magar ye ġhaflat tirī sitam hai

hai nau-jawani mein zoaf-e-piri badan mein rasha kamar mein KHam hai
zamin pe saya hai apne qad ka ki jada-e-manzil-e-adam hai

yahi hai rasm-e-jahan-e-fani isi mein kaTti hai zindagani
kabhi hai saman-e-aish-o-rahat kabhi hujum-e-gham-o-alam hai

batao kyun chup ho munh se bolo guhar-fishan ho dahan to kholo
aziz rakhte ho jis ko dil se usi ke sar ki tumhein qasam hai

haTao aaine ko KHudara labon pe aaya hai dam hamara
banaw tum dekhte ho apna yahan hai dhaDka ki raat kam hai

tumhaare kuche mein jab se baiThe bhulae dil se sabhi tariqe
KHuda hi shahid jo jaante hon kahan kalisa kahan haram hai

abas hai koshish husul-e-zar mein KHayal-e-fasid ko rakh na sar mein
wahi milega azal se jo kuchh har ek ke nam par raqam hai

farishte jannat ko le chale the pa tere kuche mein hum jo pahunche
machal gae un se kah ke chhoDo hamein yahi gulshan-e-iram hai

juda ho jab yar apna saqi kahan ki sohbat sharab kaisi
pilaen gar KHizr aab-e-haiwan hum us ko samjhen yahi ki sam hai

jilae ya hum ko koi mare bahisht de ya saqar mein Dale
rahega us but ka nam lab par hamare jab tak ki dam mein dam hai

'habib' ta-chand fikr-e-daulat kabhi to kar dil se shukr-e-neamat
karim ko hai karam ki aadat magar ye ghaflat teri sitam hai


Source: Deewan-e-habeeb

Leave a comment

+