us ko ġhaflat-pesha kah aate haiñ ham
bhuul jaanā yaad dilvāte haiñ ham

zo.af se rahtā hai ab paañv pe sar
aap apnī Thokareñ khāte haiñ ham

dil nahīñ us but kī ulfat chhoḌtā
nā-samajh ko laakh samjhāte haiñ ham

hai janāza is liye bhārī mirā
hasrateñ dil kī liye jaate haiñ ham

bār-e-isyāñ sar pe hai goyā bahut
kyā uThā.eñ sar jhuke jaate haiñ ham

us ko ghaflat-pesha kah aate hain hum
bhul jaana yaad dilwate hain hum

zoaf se rahta hai ab panw pe sar
aap apni Thokaren khate hain hum

dil nahin us but ki ulfat chhoDta
na-samajh ko lakh samjhate hain hum

hai janaza is liye bhaari mera
hasraten dil ki liye jate hain hum

bar-e-isyan sar pe hai goya bahut
kya uThaen sar jhuke jate hain hum

Source: Book : Noquush (Pg. B-418 E-428) Publication : Nuqoosh Press Lahore (May June 1954) Edition : May June 1954