muñh Dhāñp ke maiñ jo ro rahā huuñ
ik parda-nashīñ kā mubtalā huuñ

kyā hijr meñ nā-tavāñ huā huuñ
tinkā na uThe vo kahrubā huuñ

terī sī na bū kisī meñ paa.ī
saare phūloñ ko sūñghtā huuñ

bulbul hai chaman meñ ek hamdard
maiñ bhī kisī gul kā mubtalā huuñ

ā.īna hai jism-e-sāf us kā
kyūñkar na kahe maiñ ḳhud-numā huuñ

kahtā hai ye mushtarī falak par
yūsuf tire haath meñ bikā huuñ

ruḳhsār vo rakh ke so gayā thā
gul takyoñ ko roz sūñghtā huuñ

ḳhat likh ke jo hai talāsh-e-qāsid
mānind qalam maiñ phir rahā huuñ

mar jaan kahī dekh dekh vo haath
mehñdī kī tarah maiñ pis gayā huuñ

itnī tū jafā.eñ kar na ai but
āḳhir maiñ banda-e-ḳhudā huuñ

ab to mujhe ġhaib-dāñ kaheñ sab
maiñ terī kamar ko dekhtā huuñ

'goyā' huuñ vaqt kā sulemāñ
pariyoñ par hukm kar rahā huuñ

munh Dhanp ke main jo ro raha hun
ek parda-nashin ka mubtala hun

kya hijr mein na-tawan hua hun
tinka na uThe wo kahruba hun

teri si na bu kisi mein pai
sare phulon ko sunghta hun

bulbul hai chaman mein ek hamdard
main bhi kisi gul ka mubtala hun

aaina hai jism-e-saf us ka
kyunkar na kahe main KHud-numa hun

kahta hai ye mushtari falak par
yusuf tere hath mein bika hun

ruKHsar wo rakh ke so gaya tha
gul takyon ko roz sunghta hun

KHat likh ke jo hai talash-e-qasid
manind qalam main phir raha hun

mar jaan kahi dekh dekh wo hath
mehndi ki tarah main pis gaya hun

itni tu jafaen kar na ai but
aaKHir main banda-e-KHuda hun

ab to mujhe ghaib-dan kahen sab
main teri kamar ko dekhta hun

'goya' hun waqt ka suleman
pariyon par hukm kar raha hun

RECITATIONS Nomaan Shauque



00:00/00:00 munh Dhanp ke main jo ro raha hun Nomaan Shauque