aap jab chehra badal kar aa ga.e
sach to ye hai ham bhī dhoka khā ga.e

aap ab aa.e haiñ fasl-e-gul ke ba.ad
phuul jab ummīd ke murjhā ga.e

ashk kyā chhalke hamārī aañkh se
lafz bhī āvāz meñ bal khā ga.e

ham tumhāre aa.ine meñ qaid the
tum to bas bekār meñ ghabrā ga.e

toḌ laa.e shīsha-e-dil phir kahīñ
tum añdhere meñ kahāñ Takrā ga.e

aap ne ġham hī diye bas ġham hameñ
aap kab ḳhushiyāñ yahāñ barsā ga.e

aap jab chehra badal kar aa gae
sach to ye hai hum bhi dhoka kha gae

aap ab aae hain fasl-e-gul ke baad
phul jab ummid ke murjha gae

ashk kya chhalke hamari aankh se
lafz bhi aawaz mein bal kha gae

hum tumhaare aaine mein qaid the
tum to bas bekar mein ghabra gae

toD lae shisha-e-dil phir kahin
tum andhere mein kahan Takra gae

aap ne gham hi diye bas gham hamein
aap kab KHushiyan yahan barsa gae