Warning: session_start(): open(/tmp/sess_mn7m4danpvq4sl60g1gtum4dj3, O_RDWR) failed: No space left on device (28) in /razi/eraazi/darbari/chunmun/index.php on line 15
jis mein amal ka josh nahin wo shabab kya

Subscribe to our newsletter and get our newest updates

Gopi Nath Amn

  • Ghazal


jis mein amal ka josh nahin wo shabab kya


jis meñ amal kā josh nahīñ vo shabāb kyā
mastī to dil meñ chāhiye shaġhl-e-sharāb kyā

kyā dard-e-dil muharrik-e-ḳhidmat nahīñ rahā
jannat Thahar ga.ī hai binā-e-savāb kyā

yūñhī nazar uThī thī zarā dair kī taraf
miltā hai ab ye dekheñ haram se ḳhitāb kyā

apnoñ se ḳhauf hai ki kahīñ ġhair hī na hoñ
hai is se baḌh ke aur jahāñ meñ azaab kyā

ummīd dostoñ se vafā kī hai aaj tak
ab tak nahīñ milī nazar-e-kāmyāb kyā

āḳhir kahāñ se aa ga.iiñ ye kaj-adā.iyāñ
aadam kī thī sarisht meñ miTTī ḳharāb kyā

hāl-e-zabūñ ke aa.ine duniyā meñ haiñ bahut
dekhī nahīñ kabhī koī chashm-e-sarāb kyā

apnī bisāt jaan ke ḳhāmosh ho gayā
shā.ir huuñ maiñ to dūñgā kisī ko javāb kyā

hañs hañs ke ham-nashīnoñ ne charke lagā.e 'amn'
in mehrbāniyoñ ke karam kā hisāb kyā

jis mein amal ka josh nahin wo shabab kya
masti to dil mein chahiye shaghl-e-sharab kya

kya dard-e-dil muharrik-e-KHidmat nahin raha
jannat Thahar gai hai bina-e-sawab kya

yunhi nazar uThi thi zara dair ki taraf
milta hai ab ye dekhen haram se KHitab kya

apnon se KHauf hai ki kahin ghair hi na hon
hai is se baDh ke aur jahan mein azab kya

ummid doston se wafa ki hai aaj tak
ab tak nahin mili nazar-e-kaamyab kya

aaKHir kahan se aa gain ye kaj-adaiyan
aadam ki thi sarisht mein miTTi KHarab kya

haal-e-zabun ke aaine duniya mein hain bahut
dekhi nahin kabhi koi chashm-e-sarab kya

apni bisat jaan ke KHamosh ho gaya
shair hun main to dunga kisi ko jawab kya

hans hans ke ham-nashinon ne charke lagae 'amn'
in mehrbaniyon ke karam ka hisab kya

Videos
This video is playing from YouTube Videos
This video is playing from YouTube Gopi Nath Amn

Leave a comment

+