Subscribe to our newsletter and get our newest updates

Gitesh Dube Geet

  • Ghazal


jidhar dekhta hun nazara tera hai


jidhar dekhtā huuñ nazāra tirā hai
asar bandagī kā hai yā mo.ajiza hai

varaq zindagī ke palaTte haiñ jab jab
maiñ hairat se dekhūñ ki kyā kyā likhā hai

ye maujeñ ye sāhil ye kashtī ye dariyā
na jaane kahāñ nāḳhudā lāpata hai

vahī moḌ haiñ aur vahī rahguzar bhī
ġhazab ye hai ki har musāfir nayā hai

lagāte raho laakh chehre pe chehre
magar yaad ho sāmne aa.ina hai

na panghaT na rishte na sukh-dukh kī bāteñ
mirā gaañv ab shahr jo ban gayā hai

bahakne lagī hai zabāñ ab to un kī
yuuñ daulat-o-shohrat kā chaḌhtā nasha hai

jidhar dekhta hun nazara tera hai
asar bandagi ka hai ya moajiza hai

waraq zindagi ke palaTte hain jab jab
main hairat se dekhun ki kya kya likha hai

ye maujen ye sahil ye kashti ye dariya
na jaane kahan naKHuda lapata hai

wahi moD hain aur wahi rahguzar bhi
ghazab ye hai ki har musafir naya hai

lagate raho lakh chehre pe chehre
magar yaad ho samne aaina hai

na panghaT na rishte na sukh-dukh ki baaten
mera ganw ab shahr jo ban gaya hai

bahakne lagi hai zaban ab to un ki
yun daulat-o-shohrat ka chaDhta nasha hai


Leave a comment

+