tere mere ḳhvāb judā
ḳhvāboñ ke asbāb judā

mere dushman tere dost
donoñ ke ahbāb judā

terā merā saath hai yuuñ
juuñ sahrā se aab judā

lab se sāġhar kyā milte
mahfil ke ādāb judā

suunā suunā dil merā
dariyā se hai aab judā

tere mere KHwab juda
KHwabon ke asbab juda

mere dushman tere dost
donon ke ahbab juda

tera mera sath hai yun
jun sahra se aab juda

lab se saghar kya milte
mahfil ke aadab juda

suna suna dil mera
dariya se hai aab juda

Source: Seep Samundar Moti