Subscribe to our newsletter and get our newest updates

Ghulam Rabbani Taban

  • Ghazal


kisi ke hath mein jam-e-sharab aaya hai


kisī ke haath meñ jām-e-sharāb aayā hai
ki māhtāb tah-e-āftāb aayā hai

nigāh-e-shauq mubārak nashāt-e-gul-chīnī
ruḳh-e-nigār pe rañg-e-itāb aayā hai

sazā-e-zohd shab-e-māhtāb kyā kam thī
ki roz-e-abr bhī ban ke azaab aayā hai

ziyā-e-husn o faroġh-e-hayā kī āmezish
shafaq kī god meñ yā āftāb aayā hai

tirī nigāh kī halkī sī ek jumbish se
jahān-e-shauq meñ kyā inqalāb aayā hai

kisi ke hath mein jam-e-sharab aaya hai
ki mahtab tah-e-aftab aaya hai

nigah-e-shauq mubarak nashat-e-gul-chini
ruKH-e-nigar pe rang-e-itab aaya hai

saza-e-zohd shab-e-mahtab kya kam thi
ki roz-e-abr bhi ban ke azab aaya hai

ziya-e-husn o farogh-e-haya ki aamezish
shafaq ki god mein ya aaftab aaya hai

teri nigah ki halki si ek jumbish se
jahan-e-shauq mein kya inqalab aaya hai

RECITATIONS Nomaan Shauque



00:00/00:00 kisi ke hath mein jam-e-sharab aaya hai Nomaan Shauque

Leave a comment

+