Subscribe to our newsletter and get our newest updates

Ghulam Rabbani Taban

  • Ghazal


sharh-e-jaan-sozi-e-gham-e-arz-e-wafa kya karte


sharh-e-jāñ-sozī-e-ġham-e-arz-e-vafā kyā karte
tum bhī ik jhūTī tasallī ke sivā kyā karte

shīsha nāzuk thā zarā choT lagī TuuT gayā
hādse hote hī rahte haiñ gilā kyā karte

raat ne chheḌ diye bhūle hue afsāne
jaag kar sub.h na karte to bhalā kyā karte

apnī kashtī ko bhī mil jaatā kināra shāyad
tund thī mauj muḳhālif thī havā kyā karte

jazba-e-shauq ko iz.hār kī fursat na milī
lafz-o-ma.anī kā fusūñ TuuT gayā kyā karte

dil ko vo dard milā jis kā mudāvā na ilaaj
mere monis mire ġham-ḳhvār bhalā kyā karte

thī na kyā kyā havas-e-sair-o-tamāshā 'tābāñ'
rāste paañv kī zanjīreñ banā kyā karte

sharh-e-jaan-sozi-e-gham-e-arz-e-wafa kya karte
tum bhi ek jhuTi tasalli ke siwa kya karte

shisha nazuk tha zara choT lagi TuT gaya
hadse hote hi rahte hain gila kya karte

raat ne chheD diye bhule hue afsane
jag kar subh na karte to bhala kya karte

apni kashti ko bhi mil jata kinara shayad
tund thi mauj muKHalif thi hawa kya karte

jazba-e-shauq ko izhaar ki fursat na mili
lafz-o-mani ka fusun TuT gaya kya karte

dil ko wo dard mila jis ka mudawa na ilaj
mere monis mere gham-KHwar bhala kya karte

thi na kya kya hawas-e-sair-o-tamasha 'taban'
raste panw ki zanjiren bana kya karte


Source: Rooh-e-Ghazal,Pachas Sala Intekhab

Leave a comment

+