شریک ہوں اور تازہ ترین معلومات حاصل کریں

جاوید اختر

  • غزل


درد اپناتا ہے پرائے کون


درد اپناتا ہے پرائے کون
کون سنتا ہے اور سنائے کون

کون دہرائے پھر وہی باتیں
غم ابھی سویا ہے جگائے کون

اب سکوں ہے تو بھولنے میں ہے
لیکن اس شخص کو بھلائے کون

وہ جو اپنے ہیں کیا وہ اپنے ہیں
کون دکھ جھیلے آزمائے کون

آج پھر دل ہے کچھ اداس اداس
دیکھیے آج یاد آئے کون

ویڈیو
This video is playing from YouTube Videos
This video is playing from YouTube جگجیت سنگھ

Leave a comment

+