barq kā Thiik agar nishāna ho
band kaahe ko kārḳhāna ho

dekhne sunñe kā maza jab hai
kuchh haqīqat ho kuchh fasāna ho

maut har vaqt aanā chāhtī hai
koī hiila koī bahāna ho

raah se sañg-o-ḳhisht haT jaa.eñ
nekiyoñ kā agar zamāna ho

mujh ko ḳhvāb-o-ḳhayāl hai manzil
qāfila shauq se ravāna ho

kyā ta.ajjub ki pīchhe pīchhe mire
aane vaalā mirā zamāna ho

barq ka Thik agar nishana ho
band kahe ko karKHana ho

dekhne sunne ka maza jab hai
kuchh haqiqat ho kuchh fasana ho

maut har waqt aana chahti hai
koi hila koi bahana ho

rah se sang-o-KHisht haT jaen
nekiyon ka agar zamana ho

mujh ko KHwab-o-KHayal hai manzil
qafila shauq se rawana ho

kya tajjub ki pichhe pichhe mere
aane wala mera zamana ho

Source: Book : Kulliyat-e-Rahi (Pg. 231) Author : Ghulam Murtaza Rahi Publication : Educational Publishing House (2012) Edition : 2012