Thahar Thahar ke mirā intizār kartā chal
ye saḳht-rāh bhī ab iḳhtiyār kartā chal

safar kī raat hai har gaam ehtiyāt barat
palaT palaT ke añdheroñ pe vaar kartā chal

liye jā kaam tū apnī firāḳh-dastī se
qadam qadam pe mujhe zer-e-bār kartā chal

idhar udhar jo khaḌe ho ga.e haiñ tere liye
unheñ bhī apne safar meñ shumār kartā chal

kisī Thikāne pe tujh ko agar pahuñchnā hai
to naqsh-e-pā kā mire e'tibār kartā chal

na khīñch dasht o jabal bahr o bar se qadmoñ ko
ye sab rukāvaTeñ haiñ in ko paar kartā chal

Thahar Thahar ke mera intizar karta chal
ye saKHt-rah bhi ab iKHtiyar karta chal

safar ki raat hai har gam ehtiyat barat
palaT palaT ke andheron pe war karta chal

liye ja kaam tu apni firaKH-dasti se
qadam qadam pe mujhe zer-e-bar karta chal

idhar udhar jo khaDe ho gae hain tere liye
unhen bhi apne safar mein shumar karta chal

kisi Thikane pe tujh ko agar pahunchna hai
to naqsh-e-pa ka mere e'tibar karta chal

na khinch dasht o jabal bahr o bar se qadmon ko
ye sab rukawaTen hain in ko par karta chal