akelā din hai koī aur na tanhā raat hotī hai
maiñ jis pal se guzartā huuñ mohabbat saath hotī hai

tirī āvāz ko is shahr kī lahreñ tarastī haiñ
ġhalat number milātā huuñ to pahroñ baat hotī hai

saroñ par ḳhauf-e-rusvā.ī kī chādar taan lete ho
tumhāre vāste rañgoñ kī jab barsāt hotī hai

kahīñ chiḌiyāñ chahaktī haiñ kahīñ kaliyāñ chaTaktī haiñ
magar mere makāñ se āsmāñ tak raat hotī hai

kise ābād samjhūñ kis kā shahr-āshob likhūñ maiñ
jahāñ shahroñ kī yaksāñ sūrat-e-hālāt hotī hai

akela din hai koi aur na tanha raat hoti hai
main jis pal se guzarta hun mohabbat sath hoti hai

teri aawaz ko is shahr ki lahren tarasti hain
ghalat number milata hun to pahron baat hoti hai

saron par KHauf-e-ruswai ki chadar tan lete ho
tumhaare waste rangon ki jab barsat hoti hai

kahin chiDiyan chahakti hain kahin kaliyan chaTakti hain
magar mere makan se aasman tak raat hoti hai

kise aabaad samjhun kis ka shahr-ashob likhun main
jahan shahron ki yaksan surat-e-haalat hoti hai