lahū kī aag agar jaltī rahegī
hamārī daal bhī galtī rahegī

bharosā hai agar duniyā ko ham par
hamāre rañg meñ Dhaltī rahegī

mohabbat hai agar sachchī hamārī
matā-e-ḳhvāb par paltī rahegī

chaman ab der tak raqsāñ rahegā
havā ab der tak chaltī rahegī

kahāñ aa.egī apne vaqt par maut
vo agle roz par Taltī rahegī

jahāñ meñ surḳh-rū ho kar bhī 'sājid'
vo hāthoñ ko yūñhī maltī rahegī

lahu ki aag agar jalti rahegi
hamari dal bhi galti rahegi

bharosa hai agar duniya ko hum par
hamare rang mein Dhalti rahegi

mohabbat hai agar sachchi hamari
mata-e-KHwab par palti rahegi

chaman ab der tak raqsan rahega
hawa ab der tak chalti rahegi

kahan aaegi apne waqt par maut
wo agle roz par Talti rahegi

jahan mein surKH-ru ho kar bhi 'sajid'
wo hathon ko yunhi malti rahegi

Source: Book : Azkar (Pg. 132) Author : Amjad Hussain Hafiz Karnataki Publication : Karnataka Urdu Academy (issue:23 April,May,June-2013) Edition : issue:23 April,May,June-2013