Subscribe to our newsletter and get our newest updates

Ghufran Amjad

  • Ghazal


ajab tha zoam ki bazm-e-aza sajaenge


ajab thā zo.am ki bazm-e-azā sajā.eñge
mire harīf lahū ke diye jalā.eñge

maiñ tajraboñ kī aziyyat kise kise samjhā.ūñ
ki tere ba.ad bhī mujh par azaab ā.eñge

bas ek sajda-e-tāzīm ke taqābul meñ
kahāñ kahāñ vo jabīn-e-talab jhukā.eñge

atash atash kī sadā.eñ uThī samundar se
to dasht-e-pyās ke chashme kahāñ lagā.eñge

chhupā ke rakh to liyā hai sharār-e-bū-lahbī
dhuāñ uThā to nazar tak milā na pā.eñge

darāz karte raho dast-e-haq-shanās apnā
bahut huā to vo neze pe sar uThā.eñge

navāh-e-lafz-o-ma.ānī meñ guuñj hai kis kī
koī batā.e ye 'amjad' ki ham batā.eñge

ajab tha zoam ki bazm-e-aza sajaenge
mere harif lahu ke diye jalaenge

main tajrabon ki aziyyat kise kise samjhaun
ki tere baad bhi mujh par azab aaenge

bas ek sajda-e-tazim ke taqabul mein
kahan kahan wo jabin-e-talab jhukaenge

atash atash ki sadaen uThi samundar se
to dasht-e-pyas ke chashme kahan lagaenge

chhupa ke rakh to liya hai sharar-e-bu-lahbi
dhuan uTha to nazar tak mila na paenge

daraaz karte raho dast-e-haq-shanas apna
bahut hua to wo neze pe sar uThaenge

nawah-e-lafz-o-maani mein gunj hai kis ki
koi batae ye 'amjad' ki hum bataenge

RECITATIONS Ghufran Amjad



00:00/00:00 ajab tha zoam ki bazm-e-aza sajaenge Ghufran Amjad

Leave a comment

+