ajab inqalāb kā daur hai ki har ek samt fishār hai
na kahīñ ḳhirad ko sukūn hai na kahīñ junūñ ko qarār hai

kahīñ garm bazm-e-habīb hai kahīñ sard mahfil-e-yār hai
kahīñ ibtidā-e-surūr hai kahīñ intihā-e-ḳhumār hai

mirā dil hai siine meñ raushnī isī raushnī pe madār hai
maiñ musāfir-e-rah-e-ishq huuñ to ye sham.a rāh-guzār hai

jise kahte haiñ tirī anjuman ajab anjuman hai ye anjuman
koī is meñ soḳhta-hāl hai koī is meñ sīna-figār hai

ye asar hai ek nigāh kā ki mizāj-e-tab.a badal diyā
jo hamesha shikva-guzār thā vo tumhārā shukr-guzār hai

ye zarūrī kyā hai ki har bashar rahe nām-o-kām se bā-ḳhabar
magar itnā jaan chuke haiñ sab ki taḳhallus us kā 'ġhubār' hai

ajab inqalab ka daur hai ki har ek samt fishaar hai
na kahin KHirad ko sukun hai na kahin junun ko qarar hai

kahin garm bazm-e-habib hai kahin sard mahfil-e-yar hai
kahin ibtida-e-surur hai kahin intiha-e-KHumar hai

mera dil hai sine mein raushni isi raushni pe madar hai
main musafir-e-rah-e-ishq hun to ye shama rah-guzar hai

jise kahte hain teri anjuman ajab anjuman hai ye anjuman
koi is mein soKHta-haal hai koi is mein sina-figar hai

ye asar hai ek nigah ka ki mizaj-e-taba badal diya
jo hamesha shikwa-guzar tha wo tumhaara shukr-guzar hai

ye zaruri kya hai ki har bashar rahe nam-o-kaam se ba-KHabar
magar itna jaan chuke hain sab ki taKHallus us ka 'ghubar' hai

Source: Sawad-e-sham