ye tamannā nahīñ ki mar jaa.eñ
zinda rahne magar kidhar jaa.eñ

aisī dahshat ki apne sāyoñ ko
log dushman samajh ke Dar jaa.eñ

vo jo pūchhe to dil ko Dhāras ho
vo jo dekhe to zaḳhm bhar jaa.eñ

bach ke duniyā se ghar chale aa.e
ghar se bachne magar kidhar jaa.eñ

ik ḳhvāhish hai jism se mere
jald se jald bāl-o-par jaa.eñ

ab ke lambā bahut safar in kā
in parindoñ ke par katar jaa.eñ

sochte hī raheñge ham shāyad
vo balā.eñ to un ke ghar jaa.eñ

ye tamanna nahin ki mar jaen
zinda rahne magar kidhar jaen

aisi dahshat ki apne sayon ko
log dushman samajh ke Dar jaen

wo jo puchhe to dil ko Dhaaras ho
wo jo dekhe to zaKHm bhar jaen

bach ke duniya se ghar chale aae
ghar se bachne magar kidhar jaen

ek KHwahish hai jism se mere
jald se jald baal-o-par jaen

ab ke lamba bahut safar in ka
in parindon ke par katar jaen

sochte hi rahenge hum shayad
wo balaen to un ke ghar jaen

Videos
This video is playing from YouTube Videos
This video is playing from YouTube Ghazanfar

Source: Book : Aank Mein Luknat (Pg. 31) Author : Ghazanfar Publication : Maktaba Jamia Ltd. (2015) Edition : 2015