شریک ہوں اور تازہ ترین معلومات حاصل کریں

داغؔ دہلوی

  • غزل


ناروا کہئے ناسزا کہئے


ناروا کہئے ناسزا کہئے
کہئے کہئے مجھے برا کہئے

تجھ کو بد عہد و بے وفا کہئے
ایسے جھوٹے کو اور کیا کہئے

درد دل کا نہ کہئے یا کہئے
جب وہ پوچھے مزاج کیا کہئے

پھر نہ رکئے جو مدعا کہئے
ایک کے بعد دوسرا کہئے

آپ اب میرا منہ نہ کھلوائیں
یہ نہ کہئے کہ مدعا کہئے

وہ مجھے قتل کر کے کہتے ہیں
مانتا ہی نہ تھا یہ کیا کہئے

دل میں رکھنے کی بات ہے غم عشق
اس کو ہرگز نہ برملا کہئے

تجھ کو اچھا کہا ہے کس کس نے
کہنے والوں کو اور کیا کہئے

وہ بھی سن لیں گے یہ کبھی نہ کبھی
حال دل سب سے جا بجا کہئے

مجھ کو کہئے برا نہ غیر کے ساتھ
جو ہو کہنا جدا جدا کہئے

انتہا عشق کی خدا جانے
دم آخر کو ابتدا کہئے

میرے مطلب سے کیا غرض مطلب
آپ اپنا تو مدعا کہئے

ایسی کشتی کا ڈوبنا اچھا
کہ جو دشمن کو ناخدا کہئے

صبر فرقت میں آ ہی جاتا ہے
پر اسے دیر آشنا کہئے

آ گئی آپ کو مسیحائی
مرنے والوں کو مرحبا کہئے

آپ کا خیر خواہ میرے سوا
ہے کوئی اور دوسرا کہئے

ہاتھ رکھ کر وہ اپنے کانوں پر
مجھ سے کہتے ہیں ماجرا کہئے

ہوش جاتے رہے رقیبوں کے
داغؔ کو اور با وفا کہئے

ویڈیو
This video is playing from YouTube Videos
This video is playing from YouTube فریدہ خانم RECITATIONS نعمان شوق



00:00/00:00 ناروا کہئے ناسزا کہئے نعمان شوق

Leave a comment

+