āñkhoñ meñ hayā rakh ke bhī bebāk bahut the
the tere gunahgār magar paak bahut the

maiñ apnā samajhtī rahī arbāb-e-vafā ko
vo ġhair se milte rahe chālāk bahut the

ye bhī koī ulfat kā tarīqa hai jahāñ meñ
rah rah ke jale hijr meñ ham ḳhaak bahut the

ma.asūm ko phir maar diyā kokh meñ maañ kī
qisse jo sune ham ne vo ġhamnāk bahut the

ham log 'sabīñ' narm-mizājī ke payambar
jo log mile ham se vo saffāk bahut the

aankhon mein haya rakh ke bhi bebak bahut the
the tere gunahgar magar pak bahut the

main apna samajhti rahi arbab-e-wafa ko
wo ghair se milte rahe chaalak bahut the

ye bhi koi ulfat ka tariqa hai jahan mein
rah rah ke jale hijr mein hum KHak bahut the

masum ko phir mar diya kokh mein man ki
qisse jo sune hum ne wo ghamnak bahut the

hum log 'sabin' narm-mizaji ke payambar
jo log mile hum se wo saffak bahut the