Subscribe to our newsletter and get our newest updates

Ghani Ghayoor

  • Ghazal


sham tak band rahta hai kamra mera


shaam tak band rahtā hai kamra mirā
aur kamre meñ tanhā khilaunā mirā

din ko ujlī ridā oḌh letā huuñ maiñ
dekhnā raat ko phir tamāshā mirā

sach kahā thā sabhī mujh se nārāz haiñ
ab kisī se nahīñ rishta-nāta mirā

apne sheroñ pe mujh ko baḌā faḳhr hai
jaane kyā gul khilā.egā charchā mirā

do baras kā huuñ tifl-e-kitābī 'ġhanī'
ho gayā kitnā bhārī hai basta mirā

sham tak band rahta hai kamra mera
aur kamre mein tanha khilauna mera

din ko ujli rida oDh leta hun main
dekhna raat ko phir tamasha mera

sach kaha tha sabhi mujh se naraaz hain
ab kisi se nahin rishta-nata mera

apne sheron pe mujh ko baDa faKHr hai
jaane kya gul khilaega charcha mera

do baras ka hun tifl-e-kitabi 'ghani'
ho gaya kitna bhaari hai basta mera


Leave a comment

+