bazm-e-ālam meñ sadā ham bhī nahīñ tum bhī nahīñ
munkir-e-roz-e-jazā tum bhī nahīñ ham bhī nahīñ

sar-phirī tund havā ham bhī nahīñ tum bhī nahīñ
mulk-dushman ba-ḳhudā ham bhī nahīñ tum bhī nahīñ

kis ke iimā pe hai ye ḳhūn-ḳharāba ye fasād
qā.il-e-jaur-o-jafā ham bhī nahīñ tum bhī nahīñ

jaan aapas kī burā.ī meñ gañvā deñ apnī
is qadar ḳhud se ḳhafā ham bhī nahīñ tum bhī nahīñ

ham ko dastūr ne baḳhshe haiñ barābar ke huqūq
koī kamtar na sivā ham bhī nahīñ tum bhī nahīñ

jazb hai ḳhāk-e-vatan meñ jo buzurgoñ kā lahū
is kī miTTī se judā ham bhī nahīñ tum bhī nahīñ

bazm-e-alam mein sada hum bhi nahin tum bhi nahin
munkir-e-roz-e-jaza tum bhi nahin hum bhi nahin

sar-phiri tund hawa hum bhi nahin tum bhi nahin
mulk-dushman ba-KHuda hum bhi nahin tum bhi nahin

kis ke ima pe hai ye KHun-KHaraba ye fasad
qail-e-jaur-o-jafa hum bhi nahin tum bhi nahin

jaan aapas ki burai mein ganwa den apni
is qadar KHud se KHafa hum bhi nahin tum bhi nahin

hum ko dastur ne baKHshe hain barabar ke huquq
koi kamtar na siwa hum bhi nahin tum bhi nahin

jazb hai KHak-e-watan mein jo buzurgon ka lahu
is ki miTTi se juda hum bhi nahin tum bhi nahin

Source: Rooh-e-Ghazal,Pachas Sala Intekhab