Subscribe to our newsletter and get our newest updates

Ghamgeen Dehlvi

  • Ghazal


shama-ru aashiq ko apne yun jalana chahiye


sham.a-rū āshiq ko apne yuuñ jalānā chāhiye
kuchh hañsānā chāhiye aur kuchh rulānā chāhiye

zindagī kyūñkar kaTe be-shaġhl is piirī meñ aah
tum ko ab us naujavāñ se dil lagānā chāhiye

is maiñ sab rāz-e-nihāñ ho jā.eñge ham par ayaañ
phir use ik baar ghar apne bulānā chāhiye

phir ye mumkin hai ki mere paas tū ik dam rahe
kuchh na kuchh ai yaar bas tujh ko bahānā chāhiye

go bahut hoshiyār āshiq ai parī-rū haiñ tire
lekin un meñ ek 'ġhamgīñ' sā divāna chāhiye

shama-ru aashiq ko apne yun jalana chahiye
kuchh hansana chahiye aur kuchh rulana chahiye

zindagi kyunkar kaTe be-shaghl is piri mein aah
tum ko ab us naujawan se dil lagana chahiye

is main sab raaz-e-nihan ho jaenge hum par ayan
phir use ek bar ghar apne bulana chahiye

phir ye mumkin hai ki mere pas tu ek dam rahe
kuchh na kuchh ai yar bas tujh ko bahana chahiye

go bahut hoshiyar aashiq ai pari-ru hain tere
lekin un mein ek 'ghamgin' sa diwana chahiye


Leave a comment

+