jo na vahm-o-gumān meñ aave
kis tarah tere dhyān meñ aave

tujh se hamdam rakhūñ na poshīda
hāl-e-dil gar bayān meñ aave

merī ye aarzū hai vaqt-e-marg
us kī āvāz kaan meñ aave

maiñ na dūñgā javāb tū kah le
jo ki terī zabān meñ aave

ye shab-e-vasl ḳhair se guzre
to mirī jaan jaan meñ aave

haa.e kyā ho abhī jo ai hamdam
vo sanam is makān meñ aave

gar khule chashm-e-dil to tujh ko nazar
vo hī saare jahān meñ aave

us kī tārīf kyā karūñ 'ġhamgīñ'
hal-atā jis kī shaan meñ aave

jo na wahm-o-guman mein aawe
kis tarah tere dhyan mein aawe

tujh se hamdam rakhun na poshida
haal-e-dil gar bayan mein aawe

meri ye aarzu hai waqt-e-marg
us ki aawaz kan mein aawe

main na dunga jawab tu kah le
jo ki teri zaban mein aawe

ye shab-e-wasl KHair se guzre
to meri jaan jaan mein aawe

hae kya ho abhi jo ai hamdam
wo sanam is makan mein aawe

gar khule chashm-e-dil to tujh ko nazar
wo hi sare jahan mein aawe

us ki tarif kya karun 'ghamgin'
hal-ata jis ki shan mein aawe