chalo duniyā meñ mahkā.eñ mohabbat
bashar ko aao sikhlā.eñ mohabbat
kareñ mismār dīvāreñ anā kī
zamīñ par mil ke phailā.eñ mohabbat
huī hai gum kahīñ ye vahshatoñ meñ
chalo ab DhūñD kar laa.eñ mohabbat
ḳhizāñ sī chhā ga.ī nafrat kī har sū
chaman meñ phir se bikhrā.eñ mohabbat
bahut mushkil safar hai ishq yaaro
kahāñ tak sab ko samjhā.eñ mohabbat
chalo duniya mein mahkaen mohabbat
bashar ko aao sikhlaen mohabbat
karen mismar diwaren ana ki
zamin par mil ke phailaen mohabbat
hui hai gum kahin ye wahshaton mein
chalo ab DhunD kar laen mohabbat
KHizan si chha gai nafrat ki har su
chaman mein phir se bikhraen mohabbat
bahut mushkil safar hai ishq yaro
kahan tak sab ko samjhaen mohabbat
Leave a comment