saman-baroñ se chaman daulat-e-numū māñge
havā-e-dāman-e-gul gesuoñ kī bū māñge

tarāz-e-shoḳhī-e-pā hai gyāh-e-sabz kī maañg
ḳhirām-e-nāz kā andāz āb-jū māñge

bikhartī zulf se TuuTe ġhurūr-e-shab kā tilism
sahar kā husn fusūn-e-ruḳh-e-nikū māñge

varaq varaq gul-e-tar mauj mauj bād-e-sahar
badan kā lams tire pairahan kī bū māñge

shigāf-e-koh na thā tesha-e-vafā kī talab
ye jū-e-shīr abhī aur kuchh lahū māñge

shikasta-e-shīsha-e-pindār kī sadā bhī sun
karam kī bhiik jab us sañg-dil se tū māñge

kahāñ vo shoḳh magar apnā nutq-o-lab 'gauhar'
usī kā zikr pa.e-zeb-e-guftugū māñge

saman-baron se chaman daulat-e-numu mange
hawa-e-daman-e-gul gesuon ki bu mange

taraaz-e-shoKHi-e-pa hai gyah-e-sabz ki mang
KHiram-e-naz ka andaz aab-ju mange

bikharti zulf se TuTe ghurur-e-shab ka tilism
sahar ka husn fusun-e-ruKH-e-niku mange

waraq waraq gul-e-tar mauj mauj baad-e-sahar
badan ka lams tere pairahan ki bu mange

shigaf-e-koh na tha tesha-e-wafa ki talab
ye ju-e-shir abhi aur kuchh lahu mange

shikasta-e-shisha-e-pindar ki sada bhi sun
karam ki bhik jab us sang-dil se tu mange

kahan wo shoKH magar apna nutq-o-lab 'gauhar'
usi ka zikr pae-zeb-e-guftugu mange

Source: Funoon(Jadeed Ghazal Number: Volume-002)