jaatī rut se pyaar karoge
kar lo baat udhār karoge

tab mil kar ehsān kiyā thā
ab mil kar īsār karoge

jitne ḳhvāb utnī ta.abīreñ
kitne daaġh shumār karoge

ai inkār ke ḳhūgar logo
aur bhī koī vaar karoge

us ke naam ko naav banā kar
pyāsoñ ko sarshār karoge

farz karo ham mar na sake to
jiine se inkār karoge

farz karo ham haar ga.e to
qabr kahāñ tayyār karoge

jati rut se pyar karoge
kar lo baat udhaar karoge

tab mil kar ehsan kiya tha
ab mil kar isar karoge

jitne KHwab utni tabiren
kitne dagh shumar karoge

ai inkar ke KHugar logo
aur bhi koi war karoge

us ke nam ko naw bana kar
pyason ko sarshaar karoge

farz karo hum mar na sake to
jine se inkar karoge

farz karo hum haar gae to
qabr kahan tayyar karoge

Source: Rooh-e-Ghazal,Pachas Sala Intekhab