Sair-e-chaman karu to waha bhi na ji lage
phooloN ki dilkashi me tumhari kami lagay
achchai ko burai samajhte rahe ho tum
meri har aik baat, na kaise buri lagay
jee chaahta hai mera ke dil khol kar haNsooN
lekin haNsooN to apni haNsi khokhlee lagay
begaana pan ka jab se tasallut hai zehn par
apnaa har aadmi bhi mujhay ajnabee lagay
chadar udaasiyoN ki har ik jism par milee
pahlaa sa Khushmizaaj na ab koi bhi lagay
ApnoN ki beruKhee se wo yaksar badal gaya
dekho Shamim ko to koi aur hi lagay
Leave a comment