Subscribe to our newsletter and get our newest updates

Fareed Ishrati

  • Ghazal


kuchh unki jafa un ka sitam yaad nahin hai


kuchh un kī jafā un kā sitam yaad nahīñ hai
ġhamgīn huuñ lekin koī ġham yaad nahīñ hai

dil-dāda-e-asnām hai fitrat mirī lekin
thā saath kabhī koī sanam yaad nahīñ hai

apnoñ kī ināyāt kā mamnūn huuñ aisā
ġhairoñ kā mujhe koī sitam yaad nahīñ hai

paayā hai nishāñ jab se tirī rāhguzar kā
kaisī hai rah-e-dair-o-haram yaad nahīñ hai

laayā hai kahāñ ye ġham-e-ayyām 'farīd' ab
baḳhshā thā kabhī us ne bhī ġham yaad nahīñ hai

kuchh un ki jafa un ka sitam yaad nahin hai
ghamgin hun lekin koi gham yaad nahin hai

dil-dada-e-asnam hai fitrat meri lekin
tha sath kabhi koi sanam yaad nahin hai

apnon ki inayat ka mamnun hun aisa
ghairon ka mujhe koi sitam yaad nahin hai

paya hai nishan jab se teri rahguzar ka
kaisi hai rah-e-dair-o-haram yaad nahin hai

laya hai kahan ye gham-e-ayyam 'farid' ab
baKHsha tha kabhi us ne bhi gham yaad nahin hai


Source: Sahar Hone Tak

Leave a comment

+