sadā-e-kun se bhī pahle kisī jahān meñ the
vajūd meñ na sahī ham ḳhudā ke dhyān meñ the

ve kitne ḳhush the jo kuchh bhī na jānte the magar
jo jānte the ve har dam ik imtihān meñ the

kisī ko haq kī talab thī koī majāz pe thā
aur ek ham the ki donoñ ke darmiyān meñ the

haqīqatoñ meñ utarne se thoḌā pahle bhī
janāb aap mire ḳhāna-e-gumān meñ the

mujhe to rasta badalne meñ ḳhauf aatā thā
magar vo hausle jo mere raftagān meñ the

vafā kareñge agar ham vafā milegī hameñ
'farāz' pahle-pahal ham bhī is gumān meñ the

sada-e-kun se bhi pahle kisi jahan mein the
wajud mein na sahi hum KHuda ke dhyan mein the

we kitne KHush the jo kuchh bhi na jaante the magar
jo jaante the we har dam ek imtihan mein the

kisi ko haq ki talab thi koi majaz pe tha
aur ek hum the ki donon ke darmiyan mein the

haqiqaton mein utarne se thoDa pahle bhi
janab aap mere KHana-e-guman mein the

mujhe to rasta badalne mein KHauf aata tha
magar wo hausle jo mere raftagan mein the

wafa karenge agar hum wafa milegi hamein
'faraaz' pahle-pahal hum bhi is guman mein the