raha ãk̇herat se mai be k̇habar yuñ jahãn e bãġh o bahãr me
kabhi k̇hushbuoñ ke safar me thã, kabhi jugnuoñ ki qatãr me
teri darsgãh me thã magar na thi rooh shãmil e guftugoo
mujhe k̇hushravi bhi buri lagi, wo kami thi dil ke qarãr me
sar e k̇hãmoshi ye sajãwaṫeñ usi rang o boo ki misãl haiñ
jo mahak ho qabr ke phool me, jo chamak ho shamm e mazãr me
wo chaman tha mamba e rang o boo, kayi phool thay sar e boositãñ
wo jo k̇hushbu’oñ ki misãl hoñ koi ek do the hazãr me
meri baat Razi e nuktacheeñ jo buri lage to khamosh rah
tu ye umr yuñ hi gañva na de meri laghzishoñ ke shumãr me
Ref: Kaghazi Nuqoosh
Awesome Shayari, Loved it.
Leave a comment