Subscribe to our newsletter and get our newest updates

Razi Abuzar

  • Ghazal


raha ãk̇herat se mai be k̇habar yuñ jahãn e bãġh o bahãr me


raha ãk̇herat se mai be k̇habar yuñ jahãn e bãġh o bahãr me
kabhi k̇hushbuoñ ke safar me thã, kabhi jugnuoñ ki qatãr me

teri darsgãh me thã magar na thi rooh shãmil e guftugoo
mujhe k̇hushravi bhi buri lagi, wo kami thi dil ke qarãr me

sar e k̇hãmoshi ye sajãwaṫeñ usi rang o boo ki misãl haiñ
jo mahak ho qabr ke phool me, jo chamak ho shamm e mazãr me

wo chaman tha mamba e rang o boo, kayi phool thay sar e boositãñ
wo jo k̇hushbu’oñ ki misãl hoñ koi ek do the hazãr me

thiñ misãl jinki rafãqateñ, huwe mahw waqt ki dhool me
kai nãm dil se azeez thay mere dostoñ ke shumãr me
 

Ref: Kaghazi Nuqoosh

Leave a comment

Comments

Sujata Pandey

Awesome Shayari, Loved it.



+