Subscribe to our newsletter and get our newest updates

Farah Shahid

  • Ghazal


nahin hai KHush iztirab mein hai


nahīñ hai ḳhush iztirāb meñ hai
mirā ye dil bhī sarāb meñ hai

maiñ kaisī rāhoñ meñ kho ga.ī huuñ
sabhī qusūr intiḳhāb meñ hai

dukhoñ-bharī raat kaT ga.ī hai
sitāra saharī sahāb meñ hai

vo yuuñ to lagtā hai sab ke jaisā
magar judā kuchh janāb meñ hai

maiñ chāhe is meñ nahīñ huuñ shāmil
magar vo dil ke nisāb meñ hai

maiñ us kī añkhoñ meñ aise Duubī
ki Duubā koī chanāb meñ hai

ye mujh ko mahsūs ho rahā hai
'farah' phir koī itaab meñ hai

nahin hai KHush iztirab mein hai
mera ye dil bhi sarab mein hai

main kaisi rahon mein kho gai hun
sabhi qusur intiKHab mein hai

dukhon-bhari raat kaT gai hai
sitara sahari sahab mein hai

wo yun to lagta hai sab ke jaisa
magar juda kuchh janab mein hai

main chahe is mein nahin hun shamil
magar wo dil ke nisab mein hai

main us ki ankhon mein aise Dubi
ki Duba koi chanab mein hai

ye mujh ko mahsus ho raha hai
'farah' phir koi itab mein hai


Leave a comment

+