jis dam ḳhayāl-e-yār kī be-chehragī ga.ī
ā.īna-e-firāq se be-raunaqī ga.ī
baiThā ġhubār-e-hasrat-e-ta.amīr ab kī baar
shauq-e-safar kī raah meñ āvārgī ga.ī
vahshat hamāre zabt kā ujḌā mazār hai
lākhoñ jatan kiye na sarāsīmgī ga.ī
ham se qabā-e-dard pe taare na Tañk sake
kasb-e-hunar kī taak meñ vāmāñdgī ga.ī
hone kā e'tibār banātī sahar ke saath
kirnoñ kī be-niyāz tar-o-tāzgī ga.ī
jis dam KHayal-e-yar ki be-chehragi gai
aaina-e-firaq se be-raunaqi gai
baiTha ghubar-e-hasrat-e-tamir ab ki bar
shauq-e-safar ki rah mein aawargi gai
wahshat hamare zabt ka ujDa mazar hai
lakhon jatan kiye na sarasimgi gai
hum se qaba-e-dard pe tare na Tank sake
kasb-e-hunar ki tak mein wamandgi gai
hone ka e'tibar banati sahar ke sath
kirnon ki be-niyaz tar-o-tazgi gai
Leave a comment