Subscribe to our newsletter and get our newest updates

Farah Rizwi

  • Ghazal


phir se darpesh safar ka qissa


phir se darpesh safar kā qissa
ek TuuTe hue ghar kā qissa

ham ne ta.avīz kī sūrat bāñdhā
dil se nikle hue Dar kā qissa

gosha-e-chashm kā jalte rahnā
ḳhushk hote hue tar kā qissa

ḳhair ne bāñjh zamīnoñ pe likhā
lahlahāte hue shar kā qissa

phailte phailte kaisā phailā
be-gharī terī ḳhabar kā qissa

biij ko ḳhāk-e-numū tū baḳhshe
khiltā jā.egā shajar kā qissa

phir se darpesh safar ka qissa
ek TuTe hue ghar ka qissa

hum ne tawiz ki surat bandha
dil se nikle hue Dar ka qissa

gosha-e-chashm ka jalte rahna
KHushk hote hue tar ka qissa

KHair ne banjh zaminon pe likha
lahlahate hue shar ka qissa

phailte phailte kaisa phaila
be-ghari teri KHabar ka qissa

bij ko KHak-e-numu tu baKHshe
khilta jaega shajar ka qissa


Leave a comment

+