ajab bhuul o hairat jo maḳhlūq ko hai
ḳhudā kī talab shirk kī justujū hai

sharāb-e-mohabbat meñ maḳhmūr huuñ maiñ
piyāla bharā hai mulabbab subū hai

pata ek kā do meñ kyuuñ kar milegā
jo kasrat fanā ho to ḳhud tū hī tū hai

nahīñ ġhair koī tashaḳhḳhus kā parda
man-o-tū faqat ġhair kī guftugū hai

hai ḳhud aap maujūd har yak sifat se
judā.ī nahīñ is meñ kuchh mū-ba-mū hai

sifat bast-o-qābiz kī tuḳhm-o-shajar hai
jo bū hai so gul hai jo gul hai so bū hai

vo pīr-e-tarīqat hai kāmil usī ko
ḳhudā is ke har aan meñ rū-ba-rū hai

vajūd ek hai sūrat us kī muġhayyar
hai jalva usī kā na maiñ aur tū hai

tū 'markaz' hai aalam meñ paidā-o-zāhir
banāyā banātā hai jo kuchh ki tū hai

ajab bhul o hairat jo maKHluq ko hai
KHuda ki talab shirk ki justuju hai

sharab-e-mohabbat mein maKHmur hun main
piyala bhara hai mulabbab subu hai

pata ek ka do mein kyun kar milega
jo kasrat fana ho to KHud tu hi tu hai

nahin ghair koi tashaKHKHus ka parda
man-o-tu faqat ghair ki guftugu hai

hai KHud aap maujud har yak sifat se
judai nahin is mein kuchh mu-ba-mu hai

sifat bast-o-qabiz ki tuKHm-o-shajar hai
jo bu hai so gul hai jo gul hai so bu hai

wo pir-e-tariqat hai kaamil usi ko
KHuda is ke har aan mein ru-ba-ru hai

wajud ek hai surat us ki mughayyar
hai jalwa usi ka na main aur tu hai

tu 'markaz' hai aalam mein paida-o-zahir
banaya banata hai jo kuchh ki tu hai

Source: Dewan-e-Markaz