charāġh sabr ke jis ne jalā.e royā hai
havā se rabt-o-ta.alluq baḌhā.e royā hai

sulagte ḳhvāboñ kī ta.abīr kī banāvaT meñ
jo apnī āñkheñ musalsal jagā.e royā hai

yahī nahīñ ki parinde lahū bahāte haiñ
udaas tanhā shajar bhī to haa.e royā hai

samajh lo paanī se nisbat use rahī hogī
jo canvas pe samundar banā.e royā hai

maiñ jāntī huuñ vo ik shaḳhs vasl kā maarā
parā.e hijr kā jo rañj uThā.e royā hai

charagh sabr ke jis ne jalae roya hai
hawa se rabt-o-talluq baDhae roya hai

sulagte KHwabon ki tabir ki banawaT mein
jo apni aankhen musalsal jagae roya hai

yahi nahin ki parinde lahu bahate hain
udas tanha shajar bhi to hae roya hai

samajh lo pani se nisbat use rahi hogi
jo canwas pe samundar banae roya hai

main jaanti hun wo ek shaKHs wasl ka mara
parae hijr ka jo ranj uThae roya hai