Warning: session_start(): open(/tmp/sess_4psgslrdo7vq9ja62i038c7dh6, O_RDWR) failed: No space left on device (28) in /razi/eraazi/darbari/chunmun/index.php on line 15
muddaton humse mulaqat nahin karte hain

Subscribe to our newsletter and get our newest updates

Farah iqbal

  • Ghazal


muddaton humse mulaqat nahin karte hain


muddatoñ ham se mulāqāt nahīñ karte haiñ
ab to saa.e bhī koī baat nahīñ karte haiñ

dasht-e-hairāñ kā pata aaj bhī ma.alūm nahīñ
ab to rāhoñ meñ bhī ham raat nahīñ karte haiñ

mābadoñ meñ jo jalāte the diye mere liye
ab sar-e-shām munājāt nahīñ karte haiñ

baañT dete haiñ sabhī ḳhvāb suhāne apne
dāman-e-dard se ḳhairāt nahīñ karte haiñ

rok lete the jo jañgal meñ vo aaseb bhī ab
chup hī rahte haiñ savālāt nahīñ karte haiñ

vo jo barse the ināyāt ke bādal ham par
vo bhī ab pahlī sī barsāt nahīñ karte haiñ

kitne barham the 'farah' TuuT ke jab bikhre the
āj-kal ham bhī shikāyāt nahīñ karte haiñ

muddaton hum se mulaqat nahin karte hain
ab to sae bhi koi baat nahin karte hain

dasht-e-hairan ka pata aaj bhi malum nahin
ab to rahon mein bhi hum raat nahin karte hain

mabadon mein jo jalate the diye mere liye
ab sar-e-sham munajat nahin karte hain

banT dete hain sabhi KHwab suhane apne
daman-e-dard se KHairaat nahin karte hain

rok lete the jo jangal mein wo aaseb bhi ab
chup hi rahte hain sawalat nahin karte hain

wo jo barse the inayat ke baadal hum par
wo bhi ab pahli si barsat nahin karte hain

kitne barham the 'farah' TuT ke jab bikhre the
aaj-kal hum bhi shikayat nahin karte hain


Source: Book : Koi bhi rut ho (Pg. 45) Author : Farah iqbal Publication : Alhamd Publications (2011) Edition : 2011

Leave a comment

+