Subscribe to our newsletter and get our newest updates

Faragh Rohvi

  • Ghazal


KHub nibhegi hum donon mein mere jaisa tu bhi hai


ḳhuub nibhegī ham donoñ meñ mere jaisā tū bhī hai
thoḌā jhūTā maiñ bhī Thahrā thoḌā jhūTā tū bhī hai

jañg anā kī haar hī jaanā behtar hai ab laḌne se
maiñ bhī huuñ TuuTā TuuTā sā bikhrā bikhrā tū bhī hai

jaane kis ne Dar boyā hai ham donoñ kī rāhoñ meñ
maiñ bhī huuñ kuchh ḳhauf-zada sā sahmā sahmā tū bhī hai

ik muddat se fāsla qaa.em sirf hamāre biich hī kyuuñ
sab se miltā rahtā huuñ maiñ sab se miltā tū bhī hai

apne apne dil ke andar simTe hue haiñ ham donoñ
gum-sum gum-sum maiñ bhī bahut huuñ khoyā khoyā tū bhī hai

ham donoñ tajdīd-e-rifāqat kar lete to achchhā thā
dekh akelā maiñ hī nahīñ huuñ tanhā tanhā tū bhī hai

had se 'farāġh' aage jā nikle donoñ anā kī rāhoñ par
sarf-e-pashemāñ maiñ hī nahīñ huuñ kuchh sharminda tū bhī hai

KHub nibhegi hum donon mein mere jaisa tu bhi hai
thoDa jhuTa main bhi Thahra thoDa jhuTa tu bhi hai

jang ana ki haar hi jaana behtar hai ab laDne se
main bhi hun TuTa TuTa sa bikhra bikhra tu bhi hai

jaane kis ne Dar boya hai hum donon ki rahon mein
main bhi hun kuchh KHauf-zada sa sahma sahma tu bhi hai

ek muddat se fasla qaem sirf hamare bich hi kyun
sab se milta rahta hun main sab se milta tu bhi hai

apne apne dil ke andar simTe hue hain hum donon
gum-sum gum-sum main bhi bahut hun khoya khoya tu bhi hai

hum donon tajdid-e-rifaqat kar lete to achchha tha
dekh akela main hi nahin hun tanha tanha tu bhi hai

had se 'faragh' aage ja nikle donon ana ki rahon par
sarf-e-pasheman main hi nahin hun kuchh sharminda tu bhi hai

Videos
This video is playing from YouTube Videos
This video is playing from YouTube Jagjit Singh

Source: Book : Ghazal Ke Rang (Pg. 261) Author : Akram Naqqash, Sohil Akhtar Publication : Aflaak Publications, Gulbarga (2014) Edition : 2014

Leave a comment

+