Subscribe to our newsletter and get our newest updates

Fani Badayuni

  • Ghazal


wo ji gaya jo ishq mein ji se guzar gaya


vo jī gayā jo ishq meñ jī se guzar gayā
iisā ko ho naved ki bīmār mar gayā

āzād kuchh hue haiñ asīrān-e-zindagī
yaanī jamāl-e-yār kā sadqa utar gayā

duniyā meñ hāl-e-āmad-o-raft-e-bashar na pūchh
be-iḳhtiyār aa ke rahā be-ḳhabar gayā

shāyad ki shām-e-hijr ke maare bhī jī uTheñ
sub.h-e-bahār-e-hashr kā chehrā utar gayā

aayā ki dil gayā koī pūchhe to kyā kahūñ
ye jāntā huuñ dil idhar aayā udhar gayā

haañ sach to hai shikāyat-e-zaḳhm-e-jigar ġhalat
dil se guzar ke tiir tumhārā kidhar gayā

dil kā ilaaj kījiye ab yā na kījiye
apnā jo kaam thā vo ġham-e-yār kar gayā

kyā kahiye apnī garam-ravī-hā-e-shauq ko
kuchh duur mere saath mirā rāhbar gayā

'fānī' kī zaat se ġham-e-hastī kī thī numūd
shīrāza aaj daftar-e-ġham kā bikhar gayā

wo ji gaya jo ishq mein ji se guzar gaya
isa ko ho nawed ki bimar mar gaya

aazad kuchh hue hain asiran-e-zindagi
yani jamal-e-yar ka sadqa utar gaya

duniya mein haal-e-amad-o-raft-e-bashar na puchh
be-iKHtiyar aa ke raha be-KHabar gaya

shayad ki sham-e-hijr ke mare bhi ji uThen
subh-e-bahaar-e-hashr ka chehra utar gaya

aaya ki dil gaya koi puchhe to kya kahun
ye jaanta hun dil idhar aaya udhar gaya

han sach to hai shikayat-e-zaKHm-e-jigar ghalat
dil se guzar ke tir tumhaara kidhar gaya

dil ka ilaj kijiye ab ya na kijiye
apna jo kaam tha wo gham-e-yar kar gaya

kya kahiye apni garam-rawi-ha-e-shauq ko
kuchh dur mere sath mera rahbar gaya

'fani' ki zat se gham-e-hasti ki thi numud
shiraaza aaj daftar-e-gham ka bikhar gaya

RECITATIONS Nomaan Shauque



00:00/00:00 wo ji gaya jo ishq mein ji se guzar gaya Nomaan Shauque

Leave a comment

+