Subscribe to our newsletter and get our newest updates

Fani Badayuni

  • Ghazal


aankh uThai hi thi ki khai choT


aañkh uThā.ī hī thī ki khaa.ī choT
bach ga.ī aañkh dil pe aa.ī choT

dard-e-dil kī unheñ ḳhabar kyā ho
jāntā kaun hai parā.ī choT

aa.ī tanhā na ḳhāna-e-dil meñ
dard ko apne saath laa.ī choT

teġh thī haath meñ na ḳhanjar thā
us ne kyā jaane kyā lagā.ī choT

yuuñ na qātil ko jab yaqīñ aayā
ham ne dil khol kar dikhā.ī choT

aur kyā karte ham balā-kash-e-ġham
jo paḌī dil pe vo uThā.ī choT

kahīñ chhuptī bhī hai lagī dil kī
laakh 'fānī' ne go chhupā.ī choT

aankh uThai hi thi ki khai choT
bach gai aankh dil pe aai choT

dard-e-dil ki unhen KHabar kya ho
jaanta kaun hai parai choT

aai tanha na KHana-e-dil mein
dard ko apne sath lai choT

tegh thi hath mein na KHanjar tha
us ne kya jaane kya lagai choT

yun na qatil ko jab yaqin aaya
hum ne dil khol kar dikhai choT

aur kya karte hum bala-kash-e-gham
jo paDi dil pe wo uThai choT

kahin chhupti bhi hai lagi dil ki
lakh 'fani' ne go chhupai choT

RECITATIONS Nomaan Shauque



00:00/00:00 aankh uThai hi thi ki khai choT Nomaan Shauque

Leave a comment

+